ನಮ್ಮೂರ ಜಾತ್ರೆ ಬಲು ಜೋರು

ನಮ್ಮೂರ ಜಾತ್ರೆ ಬಲು ಜೋರು

ರಥದಲಿ ದೇವ್ರ ಸುಂದರ ವಿಗ್ರಹ ತೋರು

ಎಲ್ರೂ ಸೇರಿಕೊಂಡು ಎಳಿತಿವಿ ತೇರು

ಉತ್ಸವದಲ್ಲಿ ರಥಕೆ ಬಾಳೆ ಕಬ್ಬು ತೂರು

ಬೆಂಡು ಬತ್ತಾಸು ಬೆಲ್ಲಗಳು ಮೂರು

ಸಿಹಿ ಕೊಳ್ಳುವೇವು ಸೇರು ಸೇರು

ಆಕರ್ಷಕ ಆಟಿಕೆಯ ಕಾರುಬಾರು 

ಕೊಳ್ಳುವೆವು ಆಟಿಗೆ ಸೈಕಲ್ ಕಾರು

ನಮ್ಮ ಸಂತಸವನು ತಡೆಯುವರಾರು

ಎಲ್ಲೆಲ್ಲೂ ಸಿಂಪಡಿಕೆ ಪನ್ನೀರು

ಮಲ್ಲಿಗೆ ಜಾಜಿ ಸಂಪಿಗೆ ಮೊಳ ಮಾರು

ಗಮ್ ಎನಿಸುವುವ ಸುವಾಹಸನೆ 

ಹರಡಿ ಪ್ರತಿ ಸೂರು ಸೂರು

ಜಾತ್ರೆಯಲಿ ಎತ್ತು ಹೋರಿ ಹಸು ಕರು

ಉಪಕರಣಾದಿಗಳು ಹಲವಾರು 

ಕೊಳ್ಳುವರು ಸಂತಸದಿ 

ರೈತಾಪಿ ವರ್ಗದವರು

ಬಳೆ ಹರಿಷಿಣ ಕುಂಕುಮ ಸಾಲು ಸಾಲು

ಉಲ್ಲಾಸದಿ ಕೊಳ್ಳುವರು ಮಹಿಳೆಯರು

ಕುಸ್ತಿ ಹಗ್ಗ ಜಗ್ಗಾಟ ಸ್ಪರ್ಧೆ ಹತ್ತಾರು

ಜಾತ್ರೆಯಲಿ ನಡೆಸುವವರು ಗಣ್ಯರು

ಇದರಲಿ ಗೆದ್ದು ಬೀಗುವರು ಬಹದ್ದೂರರು

ಇತರೆ ಸಾಮಾನು ಸರಂಜಾಮು

ಮಾರಾಟವಾಗುವವು ನೂರಾರು

ಕೊಂಡು ನಲಿ ನಲಿವರು

ಎಲ್ಲಾ ಹುಡುಗ ಹುಡುಗಿಯರು

ಸುತ್ತಾ ಮುತ್ತಾ ಹತ್ತು ಊರು 

ಕೇರಿಗಳಿಂದ ಓಡೋಡಿ

ಬರುವರು ಜನ ಸಾವಿರಾರು 

ನಮ್ಮೂರ ಜಾತ್ರೆಯೇ 

ಬಲು ಜೋರು ಬಲು ಜೋರು

******************************************

ವಿಜಯಕುಮಾರ್ ಎಚ್. ಕೆ. 

ಶ್ರೀ ಸದನ

ನಂ.೩೦

ಸ. ನಂ. ೨೯೧/೩/ಅ

ಹನುಮಾನ್ ಮಂದಿರ ಪಕ್ಕದಲ್ಲಿ

ರಾಘವೇಂದ್ರ ಕಾಲೋನಿ 

ಶಕ್ತಿನಗರ-೫೮೪೧೭೦

ರಾಯಚೂರು