ಕೋವಿಡ್ ಕೇರ್ ವೈದ್ಯಕೀಯ ಉಪಕರಣಗಳ ಹಸ್ತಾಂತರ

 ರೋಟರಿ ಬೆಂಗಳೂರು ಸೌತ್ ಪೆರೇಡ್ (ಆರ್‌ಬಿಎಸ್‌ಪಿ), ರೋಟರಿ ಬೆಂಗಳೂರು ಕಂಟೋನ್ಮೆಂಟ್ (ಆರ್‌ಸಿಬಿಸಿ) ಮತ್ತು ಬೆಂಗಳೂರು ರಾಜಕೀಯ ಕ್ರಿಯಾ ಸಮಿತಿ (ಬಿ.ಪ್ಯಾಕ್) ಸರ್ಕಾರಿ ಆಸ್ಪತ್ರೆಗಳಲ್ಲಿ ಕೋವಿಡ್ ರೋಗಿಗಳ ಚಿಕಿತ್ಸೆಯಲ್ಲಿ ಬಳಸಲು ನಿರ್ಣಾಯಕ ಕೋವಿಡ್ ಕೇರ್ ವೈದ್ಯಕೀಯ ಉಪಕರಣಗಳನ್ನು ಹಸ್ತಾಂತರಿಸಲಾಯಿತು  

ಬೆಂಗಳೂರು, 08 ಜೂನ್ 2021: ಇಂದು ಜೂನ್ 08 ರಂದು ಬೌರಿಂಗ್ ಆಸ್ಪತ್ರೆಯಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಕರ್ನಾಟಕ ಸರ್ಕಾರದ ಉಪ ಮುಖ್ಯಮಂತ್ರಿ ಡಾ.ಸಿ.ಎನ್.ಅಶ್ವತ್ ನಾರಾಯಣ ಭಾಗವಹಿಸಿದ್ದರು. ರೋಟರಿ ಬೆಂಗಳೂರು ಸೌತ್ ಪೆರೇಡ್ (ಆರ್‌ಬಿಎಸ್‌ಪಿ), ರೋಟರಿ ಬೆಂಗಳೂರು ಕಂಟೋನ್ಮೆಂಟ್ (ಆರ್‌ಸಿಬಿಸಿ) ಮತ್ತು ಬೆಂಗಳೂರು ರಾಜಕೀಯ ಕ್ರಿಯಾ ಸಮಿತಿ (ಬಿ.ಪ್ಯಾಕ್) ಒಳಗೊಂಡ ಸೇವಾ ಸಂಸ್ಥೆಗಳ ಒಕ್ಕೂಟದ ಉಪಸ್ಥಿತಿಯಲ್ಲಿ ವಿವಿಧ ಸರ್ಕಾರಿ ಆಸ್ಪತ್ರೆಗಳಲ್ಲಿ ಕೋವಿಡ್ ರೋಗಿಗಳ ಚಿಕಿತ್ಸೆಯಲ್ಲಿ ಬಳಸಲು ನಿರ್ಣಾಯಕ ಕೋವಿಡ್ ಕೇರ್ ವೈದ್ಯಕೀಯ ಉಪಕರಣಗಳನ್ನು ಹಸ್ತಾಂತರಿಸಿತು. ಈ ಸಂದರ್ಭದಲ್ಲಿ ಮಾತನಾಡಿದ ಉಪ ಮುಖ್ಯಮಂತ್ರಿಗಳು, ನಿರ್ಣಾಯಕ ಹಂತದಲ್ಲಿ ಉಪಕರಣಗಳನ್ನು ದಾನ ಮಾಡಿದ್ದಕ್ಕಾಗಿ ಒಕ್ಕೂಟಕ್ಕೆ ಧನ್ಯವಾದ ಅರ್ಪಿಸಿದರು ಮತ್ತು ಒಕ್ಕೂಟವು ಮಾಡುತ್ತಿರುವ ಉತ್ತಮ ಕಾರ್ಯವನ್ನು ಶ್ಲಾಘಿಸಿದರು. ಉತ್ತಮ ಕಾರ್ಯವನ್ನು ಮುಂದುವರೆಸಲು ಮತ್ತು ಕೋವಿಡ್ ಮೂರನೆಯ ಹಂತ ಬಂದಾಗ ಮತ್ತು ಸಿದ್ಧವಾಗಲು ಸಹಾಯ ಹಸ್ತ ನೀಡುವಂತೆ ಅವರು ಒಕ್ಕೂಟವನ್ನು ವಿನಂತಿಸಿದರು.

ಮೂರು ಹೆಸರಾಂತ ಸಂಘಟನೆಯ ಒಕ್ಕೂಟವನ್ನು ರಚಿಸಲಾಗಿದ್ದು, “HELP ENGALURU RISE AGAIN” ಎಂಬ ಅಭಿಯಾನವನ್ನು ನಡೆಸುತ್ತಿದೆ ಮತ್ತು ಎಲ್ಲಾ ಮೂರು ಘಟಕಗಳ ಜಂಟಿ ಪ್ರಯತ್ನಗಳು ಪರಿಹಾರ ಕ್ರಮಗಳನ್ನು ಸರಿಯಾದ ಪ್ರಮಾಣದಲ್ಲಿ ತೆಗೆದುಕೊಳ್ಳುವಲ್ಲಿ ಉತ್ತಮ ಫಲಿತಾಂಶವನ್ನು ನೀಡಿದೆ ಎಂದು ಬೆಂಗಳೂರು ಸೌತ್ ಪೆರೇಡ್‌ನ ರೋಟರಿ 21 - 22 ನೇ ವರ್ಷದ ಅಧ್ಯಕ್ಷ ರೋಟೇರಿಯನ್ ರವಿ ಪ್ರಸಾದ್ ಅವರು ತಿಳಿಸಿದರು. ಕ್ಯಾಲಿಫೋರ್ನಿಯಾ, ಸ್ವಿಟ್ಜರ್ಲೆಂಡ್ ಮತ್ತು ಸಿಂಗಾಪುರದ ರೋಟರಿಯನ್ನರ ಸ್ನೇಹಿತರು ಮತ್ತು ಮೆಸರ್ಸ್ ಫಿರೋಜ್ ಷಾ ಗೋದ್ರೆಜ್ ಟ್ರಸ್ಟ್ ಮತ್ತು ಬಿಸಿಡಿ ಮೈಕ್ರೊಟೆಕ್ನಿಕ್ ಸ್ವಿಟ್ಜರ್ಲೆಂಡ್ ಸಹ ಈ ಅಭಿಯಾನದಲ್ಲಿ ಕೈಜೋಡಿಸಿದ್ದಾರೆ ಎಂದು ಅವರು ಹೇಳಿದರು. ವಿಶೇಷವಾಗಿ ರೋಟರಿ ಕ್ಲಬ್ ಆಫ್ ಬುಗಿಸ್ ಜಂಕ್ಷನ್ - ಸಿಂಗಪುರ ಪಾತ್ರಕ್ಕೆ ಅವರು ಬಹಳ ಮೆಚ್ಚುಗೆ ವ್ಯಕ್ತಪಡಿಸಿ

ಧನ್ಯವಾದಗಳನ್ನು ಅರ್ಪಿಸಿದರು. ಈ‌ನಿರ್ಣಾಯಕ ಘಟ್ಟದಲ್ಲಿ ಬೆಂಗಳೂರು ಮತ್ತು ಭಾರತದ ಜತೆ ನಿಂತಿರುವ ಈ ಸಂಸ್ಥೆ ಸುಮಾರು 25000$ ಗಳನ್ನು ಸಂಗ್ರಹಿಸಿ ದಾನ ಮಾಡಿದ್ದಾರೆ.

ರೋಟರಿ ಬೆಂಗಳೂರು ಕಂಟೋನ್ಮೆಂಟ್‌ನ ರೋಟರಿ ವರ್ಷ 21 - 22 ರ ಅಧ್ಯಕ್ಷ ರೋಟೇರಿಯನ್ ವಿನೋದ್ ಜಾನ್ ಈ ಸಂದರ್ಭದಲ್ಲಿ ಮಾತನಾಡುತ್ತಾ, ಒಕ್ಕೂಟವು ಬಹುಮುಖಿ ಪರಿಹಾರ ಕ್ರಮಗಳನ್ನು ನಡೆಸಿದೆ, ಒಕ್ಕೂಟವು ವೆಂಟಿಲೇಟರ್‌ಗಳು, ಆಮ್ಲಜನಕ ಸಾಂದ್ರಕಗಳು, ಆಸ್ಪತ್ರೆ ಹಾಸಿಗೆಗಳು, ಬಿಪಿ ಯಂತ್ರಗಳು, ಎಇಡಿ ಫೈಬ್ರಿಲೇಟರ್‌ಗಳು, ಪಲ್ಸ್ ಆಕ್ಸಿ ಮೀಟರ್‌ಗಳು, ಥರ್ಮಲ್ ಸ್ಕ್ಯಾನರ್‌ಗಳನ್ನು ವಿವಿಧ ಸರ್ಕಾರಿ ಆಸ್ಪತ್ರೆಗಳಿಗೆ ಔಷಧಿಗಳ ಜೊತೆಗೆ, ಅಗತ್ಯವಿರುವ ಕನಿಷ್ಠ 1000 ಜನರಿಗೆ ಒಂದು ತಿಂಗಳ ಕಾಲ  ಪಡಿತರ ಕಿಟ್‌ಗಳು ಮತ್ತು ಬೇಯಿಸಿದ ಆಹಾರವನ್ನು ದಾನ ಮಾಡುವ ಮೂಲಕ ಬೆಂಬಲಿಸುತ್ತಿದೆ ಮತ್ತು ವ್ಯಾಕ್ಸಿನೇಷನ್ ಡ್ರೈವ್ಗಳನ್ನು ನಡೆಸುವಲ್ಲಿ ಹಾಗೂ ಸಜ್ಜುಗೊಳಿಸುವಲ್ಲಿ ಮುಂಚೂಣಿಯಲ್ಲಿದೆ

ರೋಟರಿ ಬೆಂಗಳೂರು ಸೌತ್ ಪೆರೇಡ್‌ನ ರೋಟರಿ ವರ್ಷ 21 - 22 ರ ಕಾರ್ಯದರ್ಶಿ ರೋಟೇರಿಯನ್ ಆನಂದ್ ರಾಮ್‌ಚಂದ್ರ, “HELP BENGALURU RISE AGAIN” ಅಭಿಯಾನದ ವಿವಿಧ ಚಟುವಟಿಕೆಗಳನ್ನು ವಿವರಿಸುತ್ತಾ, ಪರಿಹಾರ ಕಾರ್ಯಗಳ ಮಾಹಿತಿ ನೀಡಿದರು. ಈ ಅಭಿಯಾನವು ಸುಮಾರು 60 ಆಮ್ಲಜನಕ ಸಾಂದ್ರಕಗಳು, ಕೋವಿಡ್ ಆರೈಕೆ ಕೇಂದ್ರಕ್ಕೆ 60 ಹಾಸಿಗೆಗಳು, 20 ಸಾಮಾನ್ಯ ವೆಂಟಿಲೇಟರ್‌ಗಳು, ಹಲವಾರು ಬಿಪಿ ಉಪಕರಣಗಳು, ಅತ್ಯಾಧುನಿಕ ಎಇಡಿ ಫೈಬ್ರಿಲೇಟರ್‌ಗಳು ಮತ್ತು ಅಲ್ಪ ಪ್ರಮಾಣದ ಔಷಧಿಗಳನ್ನು ದಾನ ಮಾಡಿದೆ. ಎರಡು ಸಂಪೂರ್ಣ ಆಮ್ಲಜನಕಯುಕ್ತ ಕೋವಿಡ್ ಆರೈಕೆ ಕೇಂದ್ರಗಳನ್ನು ಸ್ಥಾಪಿಸುವಲ್ಲಿ ಈ ಅಭಿಯಾನವು ಪ್ರಮುಖ ಪಾತ್ರ ವಹಿಸಿತು. ಒಂದನ್ನು ಸರ್ಕಾರಿ ಉನಾನಿ ವೈದ್ಯಕೀಯ ಕಾಲೇಜಿನಲ್ಲಿ ಇನ್ನೊಂದನ್ನು ವಿದ್ಯಾಪೀಠ ಬಳಿಯ ಎಂಜಿನಿಯರಿಂಗ್ ಮತ್ತು ವೈದ್ಯಕೀಯ ವಿದ್ಯಾರ್ಥಿಗಳ ಸರ್ಕಾರಿ ಹುಡುಗರ ಹಾಸ್ಟೆಲ್‌ನಲ್ಲಿ ಸ್ಥಾಪಿಸಲಾಗಿದೆ. ಕುಣಿಗಲ್ ಸರ್ಕಾರಿ ತಾಲ್ಲೂಕು ಆಸ್ಪತ್ರೆಗೆ, ಟೇಲೂರ್‌ನ ಸರ್ಕಾರಿ ಪಿಎಚ್‌ಸಿ ಗೆ, ಬೇಥಮಂಗಲದ ಸರ್ಕಾರಿ ಸಿಹೆಚ್‌ಸಿ ಗೆ, ಬೌರಿಂಗ್ ಆಸ್ಪತ್ರೆಗೆ 10 ವೆಂಟಿಲೇಟರ್‌ಗಳು, ಇತರ ಸರ್ಕಾರಿ ಆಸ್ಪತ್ರೆಗಳಿಗೆ 10 ವೆಂಟಿಲೇಟರ್‌ಗಳ ಸಹಾಯ ಮಾಡಲಾಗಿದೆ. ಪ್ರತಿದಿನ ಒಂದು ತಿಂಗಳವರೆಗೆ ಆಹಾರ ಪ್ಯಾಕೆಟ್‌ಗಳನ್ನು ವಿತರಿಸಲಾಗಿದ್ದು, ರೇಷನ್ ಕಿಟ್ ಗಳನ್ನು  ಹೊರತುಪಡಿಸಿ ವೈದ್ಯಕೀಯ ಉಪಕರಣಗಳು, ಔಷಧಿಗಳು ಮತ್ತು ಆಹಾರಕ್ಕಾಗಿ ಒಕ್ಕೂಟವು ಸುಮಾರು 2,00,00,000 / - (ಎರಡು ಕೋಟಿ ರೂ.) ಖರ್ಚು ಮಾಡಿದೆ ಎಂದು ಹೇಳಿದರು. ಸರ್ಕಾರಿ ಆಸ್ಪತ್ರೆಗಳಿಗೆ ಮತ್ತು ಪಿಎಚ್ ಸಿಗಳನ್ನು ಗುರುತಿಸಿ ಕೆಲವು ಆಮ್ಲಜನಕ ಉತ್ಪಾದಕಗಳನ್ನು ಮತ್ತು ಇನ್ನೂ ಕೆಲವು ಆಮ್ಲಜನಕ ಸಾಂದ್ರಕಗಳನ್ನು  ದಾನ ಮಾಡುವ ಮೂಲಕ ಈ ಅಭಿಯಾನವು ಮುಂದುವರೆಯಲಿದೆ ಎಂದು ಅವರು ಹೇಳಿದರು. ಈ ಸಹಾಯ ಹಸ್ತವು ಮುಂಬರುವ ನಿರೀಕ್ಷಿತ ಕೋವಿಡ್ ಮೂರನೇ ಹಂತಕ್ಕೂ  ನೆರವಾಗಲಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಬೆಂಗಳೂರು ರಾಜಕೀಯ ಕ್ರಿಯಾ ಸಮಿತಿಯ ಸಿಇಒ ಶ್ರೀಮತಿ ರೇವತಿ ಅವರು, “ಕರ್ನಾಟಕ ಸರ್ಕಾರದೊಂದಿಗೆ ಕೆಲಸ ಮಾಡಲು ಮೂರು ಹೆಸರಾಂತ ಸಂಸ್ಥೆಗಳು ಒಟ್ಟಾಗಿ ಸೇರಿರುವುದರಿಂದ ಸ್ಪರ್ಧೆಯ ಬದಲು ಹಿಂದೆಂದೂ ಇಲ್ಲದ ಪಾಲುದಾರಿಕೆ ಶಕ್ತಿ ಮತ್ತು ಪರಿಣಾಮಕಾರಿ ಸಹಯೋಗ ಸ್ಪಷ್ಟವಾಗಿ ಎದ್ದು ಕಾಣುತ್ತಿದೆ ಎಂದು ಹೇಳಿದರು. . ಬದಲಾಗುತ್ತಿರುವ ನಗರದ ಆರೋಗ್ಯ ರಕ್ಷಣೆ ಮತ್ತು ಮೂಲಸೌಕರ್ಯ ಅಗತ್ಯಗಳಿಗೆ ಕೋವಿಡ್ ವಿರುದ್ಧ ಹೋರಾಡಲು ನಾವು ಶೀಘ್ರವಾಗಿ ಸ್ಪಂದಿಸಲು ಸಾಧ್ಯವಾಯಿತು. ಈ ಅಭಿಯಾನವನ್ನು ಮುಂದಕ್ಕೆ ಕೊಂಡೊಯ್ಯಲು ಮತ್ತು ಕೋವಿಡ್ ಮೂರನೇ ಹಂತಕ್ಕೆ ಉತ್ತಮವಾಗಿ ತಯಾರಿ ಮಾಡಲು ನಾವು ಆಶಿಸುತ್ತೇವೆ. ಈ ಉದಾತ್ತ ಕಾರ್ಯಕ್ಕಾಗಿ ಆರ್‌ಬಿಎಸ್‌ಪಿ ಮತ್ತು ಆರ್‌ಸಿಬಿಸಿಯೊಂದಿಗೆ ಪಾಲುದಾರರಾಗಲು ನಾವು ಸಂತೋಷಪಡುತ್ತೇವೆ.