ಯಶಸ್ವಿಯಾದ ಕಾರ್ಪೊರೇಟ್ ಫ್ಯಾಶನ್ ವೀಕ್

ವಿಶೇಷಚೇತನ ಮಾಡೆಲ್ ವೀಲ್ ಚೇರ್ ನೊಂದಿಗೆ ಭಾಗವಹಿಸಿದ್ದರು.

ನಗರದಲ್ಲಿ ಶುಭಾರಂಭಗೊಂಡ ಕಾರ್ಪೊರೇಟ್ ಫ್ಯಾಷನ್ ವೀಕ್‌ನ ಎರಡನೇ ಆವೃತ್ತಿಯ ಮೊದಲ ದಿನ ಇವೆಂಟ್ ಗೆ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಸಿನರ್ಜಿ ಎಂಟರ್‌ಟೈನ್‌ಮೆಂಟ್‌ನ ಮುಖ್ಯಸ್ಥ ವಿಜಯ್ ಕುಮಾರ್, “ಕಳೆದ ವರ್ಷ ಕೋವಿಡ್ ಸಂದರ್ಭದಲ್ಲಿ ಕಾರ್ಪೊರೇಟ್ ಫ್ಯಾಶನ್ ವೀಕ್ ಅನ್ನು ಕೇವಲ ಒಂದು ದಿನದ ಕಾರ್ಯಕ್ರಮಕ್ಕೆ ಸೀಮಿತಗೊಳಿಸಲಾಗಿತ್ತು. ಆದರೆ ಈ ವರ್ಷ ಭಾಗವಹಿಸುವವರ ಸಂಖ್ಯೆ ಹೆಚ್ಚಾಗಿದೆ ಹಾಗೂ ಪ್ರತಿಕ್ರಿಯೆಗಳೂ ಹೆಚ್ಚಾಗಿವೆ. ಹೀಗಾಗಿ ಮೂರು ದಿನಗಳ ಕಾಲ ಫ್ಯಾಶನ್ ವೀಕ್ ಆಯೋಜಿಸಿದ್ದೇವೆ ಎಂದರು.

ಫ್ಯಾಶನ್ ವೀಕ್ ನಲ್ಲಿ ಭಾಗವಹಿಸುವ ಆಸಕ್ತರಿಗಾಗಿ  ಬೂಟ್ ಕ್ಯಾಂಪ್, ವೃತ್ತಿಪರ ಛಾಯಾಗ್ರಾಹಕರಿಂದ ಫೋಟೋ ಶೂಟ್, ಇಮೇಜ್ ಕನ್ಸಲ್ಟಿಂಗ್ ಮತ್ತು ಗ್ರೂಮಿಂಗ್ ತರಗತಿಗಳು ಸೇರಿದಂತೆ ಹಲವಾರು ಆಸಕ್ತಿದಾಯಕ ಸೆಷನ್ ಗಳಿವೆ. ಈ ಫ್ಯಾಶನ್ ವೀಕ್ ನಲ್ಲಿ ಯಾವುದೇ ವಯೋಮಾನದ ಯಾವುದೇ ಮಹಿಳೆ ಭಾಗವಹಿಸಲು ಯಾವ ನಿರ್ಬಂಧಗಳೂ ಇಲ್ಲ. 50 ವರ್ಷಗಳು ದಾಟಿದವರೂ ಭಾಗವಹಿಸಬಹುದಾಗಿದೆ. ಎತ್ತರ ಅಥವಾ ತೂಕದ ಮಾನದಂಡವೂ ಇಲ್ಲ. ಪ್ರತಿಯೊಬ್ಬ ಮಹಿಳೆಯೂ ಸೌಂದರ್ಯವತಿ ಎಂದು‌ ನಾವು ನಂಬುತ್ತೇವೆ. ವಿಶೇಷಚೇತನ ಮಾಡೆಲ್ ಒಬ್ಬರು ವೀಲ್ ಚೇರ್ ನೊಂದಿಗೆ ಭಾಗಿಯಾಗಿದ್ದು ವಿಶೇಷವಾಗಿತ್ತು. ಈ ನಿಟ್ಟಿನಲ್ಲಿ ಸೌಂದರ್ಯ ಸ್ಪರ್ಧೆಯ ಮೂಲಕ ಸೌಂದರ್ಯದ ಪ್ರಚಾರ ಮಾಡುತ್ತೇವೆ ಎಂದರು ಅವರು.

ನಂತರ ಮಾತಾಡಿದ ವಿಜಯ್ ಕುಮಾರ್,  ಮಹತ್ವಾಕಾಂಕ್ಷೆಯ ಯಾವುದೇ ಸೌಂದರ್ಯವತಿ ಮಹಿಳೆಗೆ ಇದು ಸೂಕ್ತ ವೇದಿಕೆ. ಫ್ಯಾಷನ್ ಅಥವಾ ಚಲನಚಿತ್ರೋದ್ಯಮದಲ್ಲಿ ನಮ್ಮದೇ ಆದ ಛಾಪು ಮೂಡಿಸಲು ನಾವು ಈಗ ಎರಡನೇ ಸೀಸನ್‌ಗಾಗಿ ಆಡಿಷನ್‌ಗಳನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದೇವೆ.  ಅದು ಆನ್‌ಲೈನ್ ಅಥವಾ ಆಫ್‌ಲೈನ್ ಮೋಡ್‌ನಲ್ಲಿರುತ್ತದೆ ಎಂದು ಮಾಹಿತಿ ನೀಡಿದರು.

ರಶೀದಾ (ಐಟಿ ಸಲಹೆಗಾರ್ತಿ, ವಾಣಿಜ್ಯೋದ್ಯಮಿ, ತರಬೇತುದಾರ ಮತ್ತು ಮಾರ್ಗದರ್ಶಕ, ಜಾಗತಿಕ ಕಂಪನಿಗಳ ಅಂತರರಾಷ್ಟ್ರೀಯ ಉತ್ಪನ್ನ ಬಿಡುಗಡೆಯ ಸಂದರ್ಭದಲ್ಲಿ ಹತ್ತು ಸಾವಿರಕ್ಕೂ ಅಧಿಕ ಪ್ರೇಕ್ಷಕರ ಮುಂದೆ ರ‍್ಯಾಂಪ್ ವಾಕಿಂಗ್ ಅನುಭವವನ್ನು ಹೊಂದಿರುವವರು) ಅವರು ಇದರ ಸಂಸ್ಥಾಪಕರಲ್ಲಿ ಒಬ್ಬರು. ಇವೆಂಟ್ ನಡೆಯುವ ಸ್ಥಳ ಪ್ರೆಸ್ಟೀಜ್ ಫಾಲ್ಕನ್ ಟವರ್ಸ್ ಗೆ ಎಲ್ಲಾ ಉತ್ಸಾಹಿಗಳು ಇಲ್ಲಿ ಬರಲು ಉತ್ಸುಕರಾಗಿದ್ದರು. ಕಾರ್ಪೊರೇಟ್ ಫ್ಯಾಶನ್ ವೀಕ್‌ನ ಅತ್ಯುತ್ತಮ ಹಂತವೆಂದರೇ ಈ ವಿಶೇಷ ಕಾರ್ಯಕ್ರಮದ ಭಾಗವಾಗಲು ಎಲ್ಲರಿಗೂ ಮುಕ್ತವಾದ ಸ್ವಾಗತವಿದೆ. ವೃತ್ತಿಪರ ಮಾದರಿಗಳನ್ನು ಮಾತ್ರ ಆಯ್ಕೆ ಮಾಡುವ ಸಾಮಾನ್ಯ ಫ್ಯಾಷನ್ ವೀಕ್ ಇವೆಂಟ್ ಗಳಿಗಿಂತ ಭಿನ್ನವಾಗಿ, ನಾವು ಈ ವೇದಿಕೆಯ ಮೂಲಕ ಮಹಿಳೆಯರನ್ನು ಪ್ರೋತ್ಸಾಹಿಸುತ್ತಿದ್ದೇವೆ. ಜೀವನದ ಯಾವುದೇ ಹಂತದಲ್ಲಿ ಏನಾದರೂ ಮಹತ್ತರವಾದುದ್ದನ್ನು ಮಾಡಬೇಕೆಂಬ ಉತ್ಸಾಹ  ನಿಮ್ಮಲ್ಲಿ ಇದ್ದರೆ, ನಾವು ಖಂಡಿತವಾಗಿಯೂ ನಿಮ್ಮಲ್ಲಿ ಆ ಸ್ಪೂರ್ತಿ ತುಂಬುತ್ತೇವೆ. ವಿವಿಧ ಕ್ಷೇತ್ರಗಳನ್ನು ಪ್ರತಿನಿಧಿಸುವ ಅದ್ಭುತ ತೀರ್ಪುಗಾರರನ್ನು ನಾವು ಹೊಂದಿದ್ದೇವೆ. ಅಂತಿಮ ಹಂತದ ಸಮಯದಲ್ಲಿ, ಫೈನಲಿಸ್ಟ್‌ಗಳು ಕೆಲವು ಅತ್ಯುತ್ತಮ ವಿನ್ಯಾಸಕರು ನಿರ್ಮಿಸಿದ ವಿಶಿಷ್ಠ ವಿನ್ಯಾಸದ ಡ್ರೆಸ್‌ಗಳೊಂದಿಗೆ ರ‍್ಯಾಂಪ್ ವಾಕ್ ಮಾಡುವ ಅವಕಾಶವನ್ನು ಪಡೆಯುತ್ತಾರೆ ಎಂದು ಸಮಗ್ರ ಮಾಹಿತಿ ನೀಡಿದರು ವಿಜಯ್ ಕುಮಾರ್.

ಸಿನರ್ಜಿ ಎಂಟರ್‌ಟೈನ್‌ಮೆಂಟ್ಸ್ ಈ ವಿಶಿಷ್ಟ ಈವೆಂಟ್-ಕಾರ್ಪೊರೇಟ್ ಫ್ಯಾಶನ್ ವೀಕ್ ಪರಿಕಲ್ಪನೆ ಮಾಡಿದ್ದು ಈಗ, ಸಾಕಷ್ಟು ಆಸಕ್ತರ ಗಮನ ಸೆಳೆದಿದೆ. ಕಾರ್ಪೊರೇಟ್ ಮತ್ತು ಫ್ಯಾಶನ್ ಪ್ರಪಂಚವು ನಿಮ್ಮನ್ನು ಪ್ರೋತ್ಸಾಹಿಸುತ್ತದೆ, "ನೀವೇ ನಿಮ್ಮ ಸ್ವಂತ ಲೇಬಲ್ ಆಗಿರಿ" ಎಂಬ ಥೀಮ್  ಪರಿಕಲ್ಪನೆಯಡಿಯಲ್ಲಿ ಮಹಿಳೆಯರ ಗಮನ ಸೆಳೆದಿದೆ. ಇಂದಿನ ಬಹುಮುಖ ಪ್ರತಿಭೆಯ ಮಹಿಳೆಯರು ಇಂತಹ ಪ್ರಯತ್ನಗಳನ್ನು ನಂಬಬೇಕೆಂದು ಆಯೋಜಕರು ತಂಡ ಬಯಸುತ್ತದೆ. ಕಾರ್ಪೊರೇಟ್ ಜಗತ್ತು ಮತ್ತು ಫ್ಯಾಷನ್ ಪ್ರಪಂಚದ ನಡುವಿನ ಅಂತರ ಕಡಿಮೆ ಮಾಡುವುದು ಮತ್ತು ಉತ್ಸಾಹಿ ಸೌಂದರ್ಯವತಿ ಮಹಿಳೆಯರನ್ನು ಪ್ರೋತ್ಸಾಹಿಸುವುದು ಈವೆಂಟ್‌ನ ಮುಖ್ಯ ಗುರಿಯಾಗಿದೆ. ಅವರಿಗೆ ಸ್ವ-ಪ್ರೀತಿ, ಸ್ವ-ಆರೈಕೆ, ಸೌಂದರ್ಯ ಪ್ರಜ್ಞೆ ಮತ್ತು ವ್ಯಕ್ತಿತ್ವ ವಿಕಸನ ಕೌಶಲ್ಯಗಳನ್ನು ಕಲಿಸಿ, ವೃತ್ತಿ ಜೀವನ ಮತ್ತು ಮನೆ-ಕುಟುಂಬದ ಜವಾಬ್ದಾರಿಗಳನ್ನು ಸಮತೋಲನಗೊಳಿಸಲು ಸಹಾಯ ಮಾಡುತ್ತದೆ. ಯಾವುದೇ ವೃತ್ತಿಯಲ್ಲಿ ಕೆಲಸ ಮಾಡುವ ಮಹಿಳೆಯರು; ಶಿಕ್ಷಕರಿಂದ ವೈದ್ಯರವರೆಗೆ, ಎಂಜಿನಿಯರ್‌ಗಳಿಂದ ಉದ್ಯಮಿಗಳವರೆಗೆ ಹಾಗೂ ಐಟಿ ವೃತ್ತಿಪರರೂ ಸಹ ಉತ್ಸಾಹದಿಂದ ಭಾಗವಹಿಸುತ್ತಿದ್ದಾರೆ. ಯಾವುದೇ ವಯಸ್ಸು, ಮೈಬಣ್ಣ, ಎತ್ತರ ಅಥವಾ ತೂಕದ ಮಾನದಂಡಗಳಿಲ್ಲ. ವಿವಾಹಿತ ಮತ್ತು ಅವಿವಾಹಿತ ಮಹಿಳೆಯರು ಸಹ ಈ ಕಾರ್ಯಕ್ರಮಕ್ಕೆ ನೋಂದಾಯಿಸಿಕೊಳ್ಳಬಹುದು.