Review News: ವೈದ್ಯಕೀಯ ಕೋರ್ಸ್ - ಭಾರತೀಯ ವಿದ್ಯಾರ್ಥಿಗಳು ಉಕ್ರೇನ್‌ಗೆ ಹೋಗಲು ಕಾರಣವೇನು?

ಬೆಂಗಳೂರು: ಭಾರತೀಯ ವಿದ್ಯಾರ್ಥಿಗಳಿಗೆ ವೈದ್ಯಕೀಯ ಅಧ್ಯಯನವನ್ನು ಮಾಡಲು ಚೀನಾ ಮತ್ತು ಫಿಲಿಪೈನ್ಸ್ ನಂತರ ಯುದ್ಧ-ಪೀಡಿತ ಉಕ್ರೇನ್ ಮೂರನೇ ಅತ್ಯಂತ ಜನಪ್ರಿಯ ಸ್ಥಳವಾಗಿದೆ. ಪ್ರತಿ ವರ್ಷ, ಸಾವಿರಾರು ಭಾರತೀಯ ವಿದ್ಯಾರ್ಥಿಗಳು ಅನೇಕ ಕಾರಣಗಳಿಗಾಗಿ ಉಕ್ರೇನ್ ಅನ್ನು ಆಯ್ಕೆ ಮಾಡುತ್ತಾರೆ.

ಉಕ್ರೇನ್ನ ಎಲ್ವಿವ್ ಸ್ಟೇಟ್ ಮೆಡಿಕಲ್ ಇನ್ಸ್ಟಿಟ್ಯೂಟ್ನಲ್ಲಿ ವೈದ್ಯಕೀಯ ವ್ಯಾಸಂಗ ಮಾಡುತ್ತಿರುವ ವಿಧ್ಯಾರ್ಥಿಗಳ ಪ್ರಕಾರ, ಭಾರತಕ್ಕೆ ಹೋಲಿಸಿದರೆ ಉಕ್ರೇನ್ನಲ್ಲಿ ಅರ್ಧದಷ್ಟು ಶುಲ್ಕವಿದೆ ಎಂದು ಮಾಧ್ಯಮಕ್ಕೆ ತಿಳಿಸಿದರು. ಕಡಿಮೆ ಶುಲ್ಕದ ಹೊರತಾಗಿ, ಉತ್ತಮ ಮೂಲಸೌಕರ್ಯ ಮತ್ತು ಅಧ್ಯಯನದ ವಿಭಿನ್ನ ಮಾದರಿಗಳು ಭಾರತದ ವಿದ್ಯಾರ್ಥಿಗಳನ್ನು ಆಕರ್ಷಿಸುತ್ತವೆ ಎಂದು ಅವರು ಹೇಳಿದರು.

ಲಭ್ಯವಿರುವ ಅಂಕಿಅ0ಶಗಳ ಪ್ರಕಾರ, ರಷ್ಯಾದ ಸಂಪೂರ್ಣ ಮಿಲಿಟರಿ ಶಕ್ತಿಯೊಂದಿಗೆ ದಾಳಿ ಮಾಡಿದ ಉಕ್ರೇನ್ನಲ್ಲಿ ಸುಮಾರು 18,500 ಕ್ಕೆ ಹಾಸುಪಾಸು ಭಾರತೀಯ ವಿದ್ಯಾರ್ಥಿಗಳು ಸಿಲುಕಿಕೊಂಡಿದ್ದಾರೆ. ಸಿಕ್ಕಿಬಿದ್ದಿರುವ ಹೆಚ್ಚಿನ ವಿದ್ಯಾರ್ಥಿಗಳು ವೈದ್ಯಕೀಯ ಕೋರ್ಸ್ಗಳನ್ನು ಮಾಡುತ್ತಿದ್ದಾರೆ. ಸಂಘರ್ಷ ಪೀಡಿತ ರಾಷ್ಟ್ರದಿಂದ ಇದುವರೆಗೆ ಸುಮಾರು 1,000 ದಿಂದ 1,300 ವಿದ್ಯಾರ್ಥಿಗಳನ್ನು ಸ್ಥಳಾಂತರಿಸಲಾಗಿದೆ.

'ಭಾರತದಲ್ಲಿ ವೈದ್ಯಕೀಯ ಸೀಟುಗಳ ಕೊರತೆಯೂ ಇದೆ. ಉಕ್ರೇನ್ನಲ್ಲಿ ಅಧ್ಯಯನ ಮಾಡಲು ನಾವು ವಾರ್ಷಿಕವಾಗಿ ಸುಮಾರು 10 ಲಕ್ಷದಿಂದ 12 ಲಕ್ಷರೂಪಾಯಿಗಳನ್ನು ಪಾವತಿಸುತ್ತೇವೆ' ಎಂದು ವಿಧ್ಯಾರ್ಥಿಯೊಬ್ಬರು ಹೇಳಿದರು. ಉಕ್ರೇನ್ನಿಂದ ಎಂಬಿಬಿಎಸ್ ಮಾಡಿದ ವಿಧ್ಯಾರ್ಥಿಯೊಬ್ಬ ಉಕ್ರೇನ್ನಲ್ಲಿನ ವೈದ್ಯಕೀಯ ಕಾಲೇಜುಗಳಲ್ಲಿನ ಮೂಲಸೌಕರ್ಯವು ಭಾರತಕ್ಕಿಂತ ಉತ್ತಮವಾಗಿದೆ, ಆದರೆ ಉಕ್ರೇನ್ನಲ್ಲಿ ವೈದ್ಯಕೀಯ ಶಿಕ್ಷಣದ ವೆಚ್ಚವು ಭಾರತದ ಖಾಸಗಿ ಕಾಲೇಜುಗಳಿಗೆ ಹೋಲಿಸಿದರೆ ಅರ್ಧದಷ್ಟು ಕಡಿಮೆ ಇದೆ ಎಂದರು. 'ನಾವು ಸರ್ಕಾರಿ ವೈದ್ಯಕೀಯ ಕಾಲೇಜುಗಳ ಬಗ್ಗೆ ಮಾತನಾಡಿದರೆ, ಎಂಬಿಬಿಎಸ್ನ0ತಹ ಕೋರ್ಸ್ಗಳ ವಾರ್ಷಿಕ ವೆಚ್ಚ ಸುಮಾರು 3 ರಿಂದ 4 ಲಕ್ಷ ರೂಪಾಯಿಗಳು ಆಗುತ್ತದೆ. ಮತ್ತೊಂದೆಡೆ, ಭಾರತೀಯ ಖಾಸಗಿ ವೈದ್ಯಕೀಯ ಕಾಲೇಜುಗಳಲ್ಲಿ, ವೆಚ್ಚವು ವಾರ್ಷಿಕವಾಗಿ ಸುಮಾರು 20 ರಿಂದ 25 ಲಕ್ಷ ರೂಪಾಯಿಗಳಿಗೆ ಏರುತ್ತದೆ' ಎಂದು ಅವರು ಹೇಳಿದರು.

ಉಕ್ರೇನ್ನಲ್ಲಿ ವೈದ್ಯಕೀಯ ಕೋರ್ಸ್ಗಳ ಜನಪ್ರಿಯತೆಗೆ ಪ್ರಮುಖ ಕಾರಣವೆಂದರೆ ವಿದ್ಯಾರ್ಥಿಗಳು ಸೇರಲು ಯಾವುದೇ ಪ್ರತ್ಯೇಕ ಪರೀಕ್ಷೆಯನ್ನು ತೆಗೆದುಕೊಳ್ಳಬೇಕಾಗಿಲ್ಲ, ಆದರೆ ವೈದ್ಯಕೀಯ ಕೋರ್ಸ್ಗಳಿಗೆ ಪ್ರವೇಶಕ್ಕಾಗಿ ಭಾರತದಲ್ಲಿ NEET ಅನ್ನು ನಡೆಸಲಾಗುತ್ತದೆ ಎಂದು ಶಿಕ್ಷಣತಜ್ಞರೊಬ್ಬರು ಹೇಳಿದ್ದಾರೆ. ಪ್ರತಿ ವರ್ಷ ಲಕ್ಷಾಂತರ ವಿದ್ಯಾರ್ಥಿಗಳು ನೀಟ್ಗೆ ಹಾಜರಾಗುತ್ತಿದ್ದರೆ, ಸರ್ಕಾರಿ ವೈದ್ಯಕೀಯ ಕಾಲೇಜುಗಳಲ್ಲಿ ಕೇವಲ 40,000 ರಿಂದ 45,000 ವಿದ್ಯಾರ್ಥಿಗಳು ಮಾತ್ರ ಪ್ರವೇಶ ಪಡೆಯುತ್ತಾರೆ. ಅಂತಹ ಪರಿಸ್ಥಿತಿಯಲ್ಲಿ, ಹೆಚ್ಚಿನ ಸಂಖ್ಯೆಯ NEET ಅರ್ಹತೆ ಪಡೆಯದ ಭಾರತೀಯ ವಿದ್ಯಾರ್ಥಿಗಳು ಉಕ್ರೇನ್ಗೆ ಹೋಗುತ್ತಾರೆ ಎಂದು ಅವರು ಹೇಳಿದರು.

Varthajala daily, Bengaluru