7 ದಿನಗಳಲ್ಲಿ 127 ಕಿ.ಮೀ.ಮನೆಯಲ್ಲೇ ವಾಕ್ ಮಾಡಿದ ಹಿರಿಯ ವಕೀಲ ಶಂಕರಪ್ಪ

         ಕೋವಿಡ್ ಸಂದರ್ಭದಲ್ಲಿ ಮನೆಯಲ್ಲೇ ವಾಕ್ ಮಾಡಲು ಸಾಧ್ಯವೆಂದು ನಿರೂಪಿಸಿದ ಹಿರಿಯ ವಕೀಲ   ಶಂಕರಪ್ಪ

         ಮನೆಯಲ್ಲೇ ದಿನಕ್ಕೆ 20 ಕಿ.ಮೀ. ವಾಕ್ ಮಾಡಿ ಅಚ್ಚರಿ ಮೂಡಿಸಿದ ಹಿರಿಯ ವಕೀಲ ಶಂಕರಪ್ಪ

 

ಬೆಂಗಳೂರು: ಕೊರೊನಾ ಸೋಂಕಿಗೆ ತುತ್ತಾಗಿದ್ದ ಹಿರಿಯ ವಕೀಲ ವಿ. ಶಂಕರಪ್ಪ ಅವರ ಮನೆಯಲ್ಲಿಯೇ ವಾಕ್ ಮಾಡುವ ಮೂಲಕ ಊಹೆಗೂ ನಿಲುಕದ ದಾಖಲೆ ನಿರ್ಮಿಸಿದ್ದಾರೆ. 7 ದಿನಗಳಲ್ಲಿ 14 ಘಿ 15 ಅಡಿ ಹಾಲ್‌ನಲ್ಲಿ ಬರೋಬ್ಬರಿ 127 ಕಿ.ಮೀ. ದೂರ ವಾಕ್ ಮಾಡಿದ್ದಾರೆ!

 

ಕೋವಿಡ್ ಲಾಕ್ ಡೌನ್ ನಿಂದಾಗಿ ಜನರು ಹೊರಗೆ ಬರುವಂತಿಲ್ಲ. ಮನೆಯಲ್ಲಿ ವ್ಯಾಯಾಮ ಮಾಡದೇ ಪರೋಕ್ಷವಾಗಿ ಕಾಯಿಲೆಗಳನ್ನು ಆಹ್ವಾನ ಮಾಡಿಕೊಳ್ಳುವ ರೀತಿ ದೇಹವನ್ನು ಬೆಳೆಸಿಕೊಳ್ಳುತ್ತಿದ್ದಾರೆ. ಮನಸಿದ್ದರೆ ಮಾರ್ಗ ಎಂಬುದಕ್ಕೆ ಹಿರಿಯ ವಕೀಲ ವಿ. ಶಂಕರಪ್ಪ ಅವರು ಮನೆಯ ಹಾಲ್ ನಲ್ಲೇ ದಿನಕ್ಕೆ 20 ಕಿ.ಮೀ. ವಾಕ್ಮಾಡಿ ಅಚ್ಚರಿ ಮೂಡಿಸಿದ್ದಾರೆ.

 

ಈ ರೀತಿಯ ಸಾಹಸ ಮಾಡಿರುವ ಬಗ್ಗೆ ಸಾಮಾಜಿಕ ಜಾಲ ತಾಣದಲ್ಲಿ ಹುಡುಕಿದರೆ, ಯಾರೂ ಮಾಡಿಲ್ಲ. ಇದೊಂದು ದಾಖಲೆ ಅಂತಲೇ ಹೇಳಲಾಗುತ್ತಿದೆ. ಕೊರೊನಾ ಸೋಂಕಿಗೆ ಒಳಗಾದ ಶಂಕರಪ್ಪ ಅವರಿಗೆ ನಡಿಗೆಯ ಅಗತ್ಯತೆ ಯಾಕೆ ಬಿತ್ತು. ಅದರಿಂದ ಆದ ಅನುಕೂಲಗಳ ಬಗ್ಗೆ ವಿವರಿಸಿದ್ದಾರೆ.

 

ಶಂಕರಪ್ಪ ಅವರ ದಿನದ ನಡಿಗೆ

ಶಂಕರಪ್ಪ ಅವರು ಸದ್ಯ ಸಿದ್ದಾಪುರದಲ್ಲಿ ನೆಲೆಸಿದ್ದು ಅವರ ಮನೆಯ ಹಾಲ್ ನ ವಿಸ್ತೀರ್ಣ ಕೇವಲ 14 ಘಿ 15 ಅಡಿ. ಕೊರೊನಾ ಲಾಕ್ ಡೌನ್ ಹಾಗೂ ಸೋಂಕಿನ ಭಯದಿಂದ ಮನೆಯಿಂದ ಹೊರಗೆ ಹೋಗುತ್ತಿರಲಿಲ್ಲ. ಈ ಬಗ್ಗೆ ಸುಪ್ರೀಂ ಕೋರ್ಟ್ನ ನಿವೃತ್ತ ನ್ಯಾಯಧೀಶರಾದ ವಿ. ಗೋಪಾಲಗೌಡ, ವಕೀಲರಾದ ಬಾಬು ಅವರು ಮನೆಯಲ್ಲೇ ಕಾವ್ ಮಾಡುವಂತೆ ಸಲಹೆ ನೀಡಿದರು.

 

ಹೀಗಾಗಿ ನಾನು ಮನೆಯಲ್ಲಿಯೇ ವಾಕ್ ಮಾಡಲು ಆರಂಭಿಸಿದ್ದಾರೆ. ಬೆಳಗ್ಗೆ ಒಂದೂವರೆ ತಾಸು, ಮಧ್ಯಾಹ್ನ ಒಂದು ಗಂಟೆ, ಸಂಜೆ ಒಂದೂವರೆ ಗಂಟೆ ಕಾಲ ಮನೆಯಲ್ಲಿ ವಾಕ್ ಮಾಡುತ್ತಾರೆ. ನಾನು ದಿನಕ್ಕೆ ಎಷ್ಟು ನಡೆಯುತ್ತೇನೆ ಎಂಬ ಅರಿವು ನನಗೆ ಇರಲಿಲ್ಲ. ನನ್ನ ಮಕ್ಕಳು ಕೊಟ್ಟ ಸಲಹೆಯಿಂದ ನಾನು ಆಪ್ ಮೂಲಕ ನನ್ನ ದಿನದ ವಾಕ್ ವಿವರ ಆಪ್ ನಲ್ಲಿ ದಾಖಲಿಸಲು ನೋಂದಣಿ ಮಾಡಿದೆ.

 

ಕಳೆದ ಏಳು ದಿನದಲ್ಲಿ ಮನೆಯೊಳಗೆ 127 ಕಿ.ಮೀ. ವಾಕ್ ಮಾಡಿದ್ದೇನೆ. ಬರೋಬ್ಬರಿ 1,92,436 ಹೆಜ್ಜೆ, 448 Heart pts, 17,166 ಕ್ಯಾಲೋರೀಸ್ ಬರ್ನ್ ಮಾಡಲಾಗಿದ್ದು, 1,903 ನಿಮಿಷದಲ್ಲಿ 127.11 ಕಿ. ಮೀ. ದೂರ ಕ್ರಮಿಸಿದ್ದೇನೆ ಎಂದು ವಕೀಲ ಶಂಕರಪ್ಪ ತಿಳಿಸಿದ್ದಾರೆ.

ಕೊರೊನಾ ಸೋಂಕಿನ ಮೊದಲ ಅಲೆಗೆ ಕೊರೊನಾ ಸೋಂಕಿಗೆ ಒಳಗಾದೆ. ಕೊರೊನಾದಿಂದ ಜೀವ ಉಳಿಸಿಕೊಂಡಿದ್ದು ನನಗೊಂದು ಪುನರ್ಜನ್ಮ. ಮಣಿಪಾಲ್ ಆಸ್ಪತ್ರೆಯ ವೈದ್ಯರಿಗೆ ಆ ವಿಚಾರದಲ್ಲಿ ನಾನು ಕೃತಜ್ಞ. ಇನ್ನು ಕೊರೊನಾ ಎರಡನೇ ಅಲೆಗೆ ನನ್ನ ಆಪ್ತ ಬಳಗವನ್ನು ಕಳೆದುಕೊಂಡಿದ್ದೇನೆ. ನನ್ನು ಆರೋಗ್ಯ ಸುಧಾರಣೆಗೆ ವೈದ್ಯರೊಬ್ಬರು ದಿನ ನಿತ್ಯ ನಡೆಯಬೇಕು ಎಂದು ಸಲಹೆ ಮಾಡಿದ್ದರು. ಹೀಗಾಗಿ ಅಂದಿನಿAದ ದಿನ ಬಿಡದಂತೆ ವಾಕ್ ಮಾಡುತ್ತಿದ್ದೇನೆ. ಹೀಗಾಗಿ ಪುಟ್ಟ ಹಾಲ್ ನಲ್ಲಿಯೇ ದಿನಕ್ಕೆ 20 ಕಿ.ಮೀ. ವಾಕ್ ಮಾಡುತ್ತಿದ್ದೇನೆ.

 

ಕೊರೊನಾ ಸೋಂಕಿನಿAದ ಚೇತರಿಸಿಕೊಂಡ ಬಂದವರಗೆ ನಾನು ಕೊಡುವ ಪುಟ್ಟ ಸಲಹೆ ಇಷ್ಟೇ. ತಪ್ಪದೇ ವಾಕ್ ಮಾಡಿ. ಎಷ್ಟು ನಡೆಯುತ್ತೀರೋ ಅಷ್ಟು ಆರೋಗ್ಯಕ್ಕೆ ಒಳ್ಳೆಯದು. ಬೇರೆ ಕಾಯಿಲೆಗಳಿಂದ ದೂರ ಉಳಿಯಲು ನಡಿಗೆ ಅಗತ್ಯ. ಲಾಕ್ ಡೌನ್ ಇದೆ. ಜಾಗ ಇಲ್ಲ ಅಂತ ಮನೆಯಲ್ಲಿ ಕೂತರೆ ಕಾಯಿಲೆಗಳನ್ನು ಮೈಮೇಲೆ ಆಹ್ವಾನಿಸಿಕೊಂಡAತೆ ಎಂದು ಕಿವಿಮಾತು ಹೇಳಿದ್ದಾರೆ.